العرب نيوز أخبار العرب كل العرب

العرب نيوز ( رؤوس - أقلام ) بقلم الشاعر فؤاد نعمان الخوري  I--كْتبتَك قصيده، رجعتْ تكتبني:

هيدا القلَمْ
شهقة علَمْ
رفرف عَ سطح القلب يا إبني!
II
شُو قصدَك تقلّي؟ تَ اكتب بعدْ؟
عَم حسِّك لْعرسَك قوافيِّي؛
وبيني وبين المحبره في وعدْ:
نْ عطشَت بتشرَب حبر عينيّي...
III
لمّا كتبت اسمَك بأوّل يومْ
صار الندرْ
متل البدرْ
يشكُل ورد أبيض بكتف النومْ!
IV
وبها القلَم سجّلت عنواني
بطلاّتَك الحلوينْ؛
وبكرا أنا وتشرينْ
منعلّق بْإسمَك إسم تاني!