العرب نيوز ( رؤوس - أٌقلام ) بقلم الشاعرة سعاد الياس -  نعس النهار و .... النور
لملم حالو
حتى يفل
 
ع دغشة الدني
من ورا الشباك
شفت وردة .. ملبكة
عم .. تتنقوز 
..
غسلت .. وجا
من ندى .. العصر
و شقا .. البسمات
قبل ما .. تفرش
حتى .. تنام
..
حسيتها ..
بردانة ...
زهقانة ....
و نعسانة ...
من لتلتة الجيران
و غيرة .. عطر النهار
..
متل .. كأنها 
حابي .. 
تسمع خبار
تسمع ... شذا
عصفورة ...
عم تغازل .. عصفورها
ب رتل .. الحان
..
بهالوقت .. 
هني ... حسوا
و انتبهوا ...
ع عيون .. 
عم تراقبهم ...
تلفتوا ...
هون و هون
عبطوا بعض
طاروا ... قبل
ما عيونهم ..
يسرقها القمر ..
..
هربوا ...
متل الخطيفة 
ع بكير ... 
اتعمشقوا ...
بغيمة .. هربانة 
حتى يتوجووا 
حبهم .. ب بصمة
أمل ... و نكهة سرور
..
تيلتقوا ع وج الفجر 
و يخبرووا .. الدني
كلها .. 
أجمل . . حكايات ..