العرب نيوز ( رؤوس - أقلام ) بقلم الشاعرة سعاد الياس - نعس النهار 

و ..  النور لملم حالو 
حتى .. يفل
..
ع دغشة الدني
من ورا الشباك
حطيت عيني
ع وردة .. 
لقيتها .. ملبكي
و عم تتنقوز
غسلت .. وجا
من ندى العصر 
و شقى البسمات
قبل ما تفرش 
و تنام ..  
..
حسيتها ..
بردانة ..
زهقانة و نعسانة
من غبرة النهار
و لتلتة .. الجيران
..
متل ل كأنها 
حابة تسمع
شوية .. خبار
تسمع .. زقزقة 
عصفورة عم 
تغازل .. الخليل
ب رتل من الألحان 
..
هني ..  
بهالوقت
حسوا .. بغيرة
من الحساد
انتبهوا ... تكتكوا ل بعض 
انو عيون عم تراقبهم ...
باخر المشوار
..
تلفتوا .. هون و هون
عبطوا بعض 
طاروا .. قبل ما عيونهم 
يسرقها هالعمر .. و يطير
..
هربوا متل .. الخطيفة
ع بكير ... و تعمشقوا 
بغيمة .. هربانة من المدى
حتى يتوجوا حبهم
ب بصمة أمل 
و نكهة سرور    
..
و حتى يخبروا 
الدني .. أجمل 
الحكايات