محمود شحادة : سمراء ….(نكهات فيروزيّة)

العرب نيوز ( شعراءنا ) بقلم الشاعر أ. محمود شحادة – مَرقتْ الغَيمِي فوق المَدِينِي
ضحكْلا الًصّيفْ وقَلَّا انطُريني
أنا بالجَنَاينْ عَ سَفْحْ الجَبَلْ
غم حَيّكْ حكايي وقصيدةْ غَزَلْ
لهاكَ البنتْ لْ حبيبَا ما اتّصَلْ
وبَعدَا عالشبَّاكْ عفراقُو حَزيني !

وفَجأةْ هَبّتْ ريحْ بقَميصْ الأمَلْ
بصرّة مُشْ ملفوفي منيحْ
انرَبطِتْ عَ عَجلْ
فَلْتِتْها الحَمَامي وما دريتْ الإيّامْ
بتُسْرُقِ الأسَامي وبتْشَلّع الأحلامْ !. .
شَهقِتْ الصّبيّي واصفَرّْ الوَرَقْ
وبعزّ الصَيْفيّي قَلبَا شُو احتَرَقْ !!…
وباللَّحْظَة دَقّ البابْ
مرسَالْ الأحبابْ
بإيدُو مكتُوبْ وشويّةْ قُبَلْ
كانْ رَح يغْمَى عليها
ومن كتْرْ الخَجَلْ
بِكْيِتِ الغمَامي واخْضَرّْ الجَبَلْ

#العرب_نيوز ” أخبار العرب كل العرب “