جوزيف ابراهيم :هرّوا يا موت وراقي

العرب نيوز ( شعراونا ) بقلم الشاعر والكتاب جوزيف ابراهيم – هرّوا يا موت وراقي
هرّوا يا موت وراقي بالكاد ع جنبي لاقي
خود سنيني مية مبروك مسامحك بالعمر الباقي..
عليي عامل شيخ وبيك خود عمري مبروك عليك
ريّحني وحياة عينيك ورشيلي شويّ الساقي…..
بيقولوا عنك رحوم حنون بتشفي لهموم
يا ريتك فيي مغروم وتكون دوايي ودائي….
قلّي شو بدك مني ليش هيك مستغني عنّي؟
غرّد يا موت وغنّي وخلّيك شويي راقي
عشقي الك مش محدود ومتلو بالكون مش موجود
موجود من قبل الوجود خلّيك الفي ويائي…..
بحلمك خدني ولنّو شوي تاركني بهالكون خطي
يا غرقان بفنجان مي يا قادر على فراقي

#العرب_نيوز ” أخبار العرب كل العرب “