رسالة الرئيس اللبناني جوزاف عون بمناسبة الذكرى الخمسين لـ 13نيسان.

العرب نيوز( بعبدا – لبنان ) :د.دحمان الحدي.- يشرفنا أن نضع بين أيديكم نص رسالة فخامة العماد جوزاف عون الرئيس اللبناني بمناسبة الذكرى 50لـ13نيسان:
إخوتي اللبنانيات واللبنانيين …
حبّيت اليوم بالذات … وجّه إلكن هالرسالة …
بصراحة و توبشكل مباشر … عشية 13 نيسان …
عشية 50 سنة … على هالذكرى المشؤومة …
50 سنة …
يعني اللي خِلقو يومها … اليوم صاروا مقضيين أكتر من نص عمرن … بالقلق والخوف وعدم الاستقرار …
واللي كانوا ناطرين يومها، يختاروا لأول مرة… مين يمثلُن، بانتخابات سنة ال 76 …
صاروا اليوم فوق السبعين من عمرن …
ويمكن بعد ما اختاروا ولا مرّة كيف بدّن لبنان …
خمسين سنة … جيلَين كاملين … ضاعت إيامن وأحلامن وكل عمرن … وبعد ما خلص الضَياع …
والأهم بهالذكرى نتذكر آلاف اللي ماتوا … من كل لبنان … وبكل لبنان …
وآلاف اللي بعدها جروحاتن شاهدة …
وآلاف العائلات اللي بعدو جرحها مفتوح … مع المفقودين اللي هنّي وأهاليهن، ضحايا الحرب الدايمين …

#عرب_نيوز ” أخبار العرب كل العرب “